Asparges og Steikeost
12 stk grøne asparges
200 gram Steikeost
4 ss appelsinsyltetøy
1/2 sitron
Nykverna pepar
Fersk mynte
Brekk av og kast dei harde rotendane av aspargesen. Fyll 0,5 l vann + 1 ss smør og 0,5 ts salt i ein kjele. Kok opp. Ha i aspargesen og la den koka i 1,5 minutt. Ta dei over i ein sil og hell kaldt vatn over. Skjær osten i rektangulære bitar ca 4 cm lengde x 0,7 cm tjukke. Skjær aspargesen til same lengde. Lag appelsinsausen ved å varma syltetøy og sitron i ein kjele i ca 1 minutt. Steik på ei vanleg steikjepanne på høg varme i ca 2 minuttar. Steikeosten skal bli ljos brun. Snu undervegs. Legg på tallerk Smak til med nykverna pepar, pynt med fersk mynte og hell appelsinsausen over.
Oppskrift av Mariusz Marczak v/Hardangerfjord Hotel
Steikeostburger med ananas
Hamburgerbrød
200 g Steikeost
2 stk ananas-skiver
Ajvar (paprikapasta, kjøpt eller heimelaga)
Salatblad
Sennep
Majones
Olivenolja
Sylta raudløk
Legg dei skrella ananas-skivene på varm steikepanne og steik i ca 7 minutt på kvar side. Skjær osten i skiver ca 0,7 cm tjukke. Varm opp steikepanna, hell olivenolja over og legg på eldostskivene. Steik skivene ca. 2 minutt over middels varme til osten er bruna på undersida. Snu den med ein steikespade og grill tilsvarande på andre sida. Brød: Brun brødet svakt i steikepanna. Pensla den øvste halvdelen med sennep, den nederste med et tjukkare lag med ajvar blanda med ei teskei majones (du kan og krydra med chili). På nederste delen av brødet legg du salatblad, ananas, eldost og sylta raud løk.
Pizza med Steikeost
Tomatsaus
Tine Norsk Cheddar
Tine Norvegia
Steikeost i skiver
Ruccolasalat
Lag ein god deig, ikkje for tjukk. Bruk din favoritt tomatsaus, og legg på riven Norvegia og Cheddar, og topp med tynne skiver av Steikeost. Steik i omnen, og legg på ruccolasalat til slutt. Topp evt med rista pinjekjerner.
Spinat og jordbærsalat med Steikeost
2 handfuller spinat
300 g jordbær
200 g Steikeost
6 ss mandelflak
2 cm fersk ingefær
1 spiseskei honning
2 ss ekstra virgin olivenolje
1 spiseskei sitronsaft
Skol spinaten, tørk, kutt i bitar og legg på fat. Skol og tørk jordbæra og del dei i to. Bland jordbær og spinat. Skjær osten i skiver ca 0,7 cm tjukke. Varm opp steikepanna, hell olivenolja over og legg på eldostskivene. Steik skivene ca. 2 minutt over middels varme til osten er bruna på undersida. Snu den med ein steikespade og grill tilsvarande på hi sida.
Bland saman reven ingefær, honning, olivenolje og sitronsaft i ein liten bolle. Smak til med ei klype salt og pepper. Hell blandinga over salaten. Dryss bruna mandelflak på toppen. Nyt saman med nysteikt eldost.
Oppskrift av Mariusz Marczak v/Hardangerfjord Hotel
Sprøsteikt Steikeost til tapas
Steikeost
Olivenolja
Pepper
Honning el plommesyltetøy
Skjær osten i tynne skvier. Legg skivene på bakepapir på plate eller rist. Pensle med litt olje og krydre med pepper. Steik osten sprø i steikeomn på varmluft med grill i 15-20 min. Legg på rist til avkjøling. Server saman med resten av tapasmåltidet, og gjerne med noko søtt som honning eller plommesyltetøy attåt.
Nachosblings med Steikeost
Brød
Salsa
Steikeost
Sylta raudløk
Nachos chips
Lettrømme
Majones
Kvitløk
Steik brød på panna saman med osten. Finhakk kvitløk og bland den med 2/3 lettrømme og 1/3 majones. Smak til med salt, pepper og sukker. Smør rømmedressing på nederste skive. Legg på nachoschips, salsa, steikt ost og avslutt med sylta raudløk før du legg på den siste brødskiva.
Steikeost til lunsj
Steikeost
Rista brød
Egg
Grønsaker/frukt
Steikeost høver godt til både lunsj og kvelds på ei rista brødskive og med valfritt tilbehør av grønsaker eller frukt. Osten er fort gjort å steike, og tek brødmåltidet til nye høgder. Nytt gjerne rømme, din favorittdressing eller krema balsamico til.
Kyllingsalat med Steikeost
6 stk hermetiske mandarin- eller appelsinfiletar
5 stk stenger av stangselleri
50g mandlar
400 g kyllingbryst frå Homlagarden
4 ss majones
3 stk sikori
200 gr Steikeost
1 neve fersk koriander
Eit par dråpar Tabasco
Del kyllingbrysta i terningar og steik dei med salt og pepar. Del selleristengene i like store terningar og ha dei i kokande vatn i 30 sekundar. Avkjøl i ein stor bolle før du har i kyllingfileten. Tørk mandarina lett i litt kjøkenpapir og bland saman med resten. Rist mandlar i ei tørr steikepanne.
Steik osten i terningar i ein god klatt med smør. Bland alt saman og server saman med din heimelaga dressing. Smak til majones med finhakka koriander og tabascosaus.
Oppskrift av Mariusz Marczak v/Hardangerfjord Hotel
Skive med Steikeost og raudløk
Rista brød
Rømme eller smør
Salatblad
Steikte osteskiver
Sylta raudløk
Agurk
Krema balsamico
Rett som er enkel å lage på kort tid, og smakar like godt til lunsj som til kvelds. Prøv variasjonar med til dømes surdeigsbrød, eller eige heimelaga brød. Denne passar og supert i hamburgerbrød.
Steikeostburger med pesto og spirer
Rista brød eller hamburgerbrød
Salatblad
Raud tomatpesto
Majones
Avocado
Steikte osteskiver
Spirer
God variant av vegetar hamburger som er rask å lage. Bland majones og tomatpesto og smør på topp og bunn. Legg deretter på salatblad, steikt ost, avocado og til sist spirer.